ბრიუსელის ცენტრში ადამიანებმა შეკრება დაიწყეს, რომ დღეს ტერაქტის შედეგად დაღუპულ ადამაინებს პატივი მიაგონ და სოლიდარობა გამოუცხადონ. ისინი ასფალტზე საკუთარ სურვილებს წერენ გრან-პლას ცენტრალურ მოედანზე. ადამიანები წარწერებს სხვადასხვა ენაზე აკეთებენ, მათ შორის არაბულ ენაზე. “შეწყვიტეთ ომი”, “გააჩერეთ ტერორიზმი”, “ესპანეთი თქვენთან არის”, “მე მუსლიმი ვარ და მე ვგმობ ტერორისტულ აქტებს” – ასეთია ასფალტზე წარწერები.
დღეს ბრიუსელში ტერაქტების სერიას აეროპორტსა და მეტროში დაახლოებით 55 ადამიანის სიცოცხლე ემსხვერპლა. ათობით ადამიანი დაშავებულია.