ბრიტანეთის მსხვილი ბანკები რუსულ ფულს ათეთრებდნენ, სავარაუდოდ, საუბარია 740 მილიონ დოლარზე. საუბარია ფართო საერთაშორისო სქემაზე, რომელსაც პირობითად “გლობალური სამრეცხაო” ქვია – “გარდიანი” წერს. სტატიის წყაროა ჟურნალისტ-გამომძიებელთა საერთაშორისო ორგანიზაცია, რომელმაც ინფორმაცია რუსულ “ნოვაია გაზეტას” და გერმანულ Süddeutsche Zeitung-ს მიაწოდა.
“გარდიანის” ინფორმაციით, იუსტიციის ორგანოების ყურადღების ცენტრში ბრიტანეთში არსებული 17 ბანკია, მათ შორის HSBC, Royal Bank of Scotland, Lloyds და Barclays. ყველა მათგანს მოუწევს ახსნა-განმარტების გაკეთება, თუ რა არის მათთვის ცნობილი ამ კრიმინალურ სქემაზე და რატომ დათანხმდნენ საეჭვო გადარიცხვებზე.
დოკუმენტების მიხედვით, 2010-2014 წლებში რუსეთიდან დაახლოებით 20 მილიარდი დოლარია გასული, თუმცა, რეალური თანხა, სავარაუდოდ, 80 მილიარს შეადგენს. გამოძიების ვერსიით, სქემაში 500 ადამიანი მონაწილეობდა, მათ შორის, ოლიგარქები, მოსკოველი ბანკირები და სხვა. სავარაუდოდ, სქემაში ჩართული იყო ვლადიმირ პუტინის ბიძაშვილი იგორ პუტინი. მან კომენტარზე უარი თქვა.