საპარლამენტო არჩევნების მეორე ტური დასრულებულია. ზუსტად 20:00 საათზე 50-ვე საარჩევნო ოლქში უბნები დაიხურა.
ამ დროისთვის დალუქულია საარჩევნო ყუთებიც და მიმდინარეობს კომისიის იმ წევრების შერჩევა, რომლებიც საარჩევნო ბიულეტენებს დაითვლიან.
ხმების დათვლის პროცესში ცესკოს დადგენილებით დღეს მონაწილეობას ვერ მიიღებენ ქართული ოცნებისა და ერთიანი ნაციონალური მოძრაობის წარმომადგენლები. საარჩევნო უბნის თავმჯდომარეს, ამ პარტიების წარმომადგენლების გარდა, ნებისმიერი პარტიის წარმომადგენლის არჩევის უფლება აქვს.
