ბიძინა ივანიშვილი ფიროსმანის ტილოს „შველი წყლის პირას“ ხელოვნების მუზეუმს გადასცემს, – ამის შესახებ ბიძინა ივანიშვილმა ჟურნალისტებთან დღეს გამართულ შეხვედრაზე განაცხადა.
ბიძინა ივანიშვილმა ფიროსმანის ტილო ლონდონში „სოტბის“ აუქციონზე 7 ივნისს შეიძინა. ნახატი 629 ათას ფუნტ სტერლინგად გაიყიდა. საწყისი ფასი კი 150 ათასი ფუნტი სტერლინგი იყო.
ბიძინა ივანიშვილმა 2015 წელს “კრისტის” აუქციონზე ნიკო ფიროსმანის ტილო “არსენალის მთა ღამით” 1, 5 მილიონ დოლარად შეიძინა და საჩუქრად ხელოვნების მუზეუმს უკვე გადასცა.