„ბატონი ბიძინა საკმაოდ რეალისტურად აფასებს შექმნილ მდგომარეობას… მისი გაბრაზების მიზეზი ეს იყო”

მმართველი გუნდის წევრები არჩილ თალაკვაძისგან განსხვავებით, უკვე საუბრობენ იმაზე რომ გარდა გაეროს კვლევისა, გუშინდელ შეხვედრაზე საუბარი სხვა საკითხებსაც შეეხო. გია ვოლსკი ადასტურებს იმასაც, რომ პარტიის ოფისში გამართული შეხვედრის დროს იყო აზრთა სხვადასხვაობაც.

„რა საკვირველია ეს არ ყოფილა ისეთი შეხვედრა, სადაც აზრთა სხვადასხვაობა არ იყო. ეს სამ საათზე მეტი გრძელდებოდა და არამარტო იუნისეფის კვლევას ეხებოდა. იყო კრიტიკული განხილვა, რაც შეეხება სოციალურ სფეროში ზოგიერთი მიმართულების გაუარესებას,“-განაცხადა გია ვოლსკიმ.

გუშინდელი შეხვედრა, რომ ხმაურის ფონზე მიმდინარეობდა, ამას ადასტურებს ზაქარია ქუცნაშვილი. დეპუტატი ამბობს, რომ ბიძინა ივანიშვილი შექმნილი მდგომარეობის გამო გაბრაზებული იყო.

„ბატონი ბიძინა საკმაოდ ადეკვატური პიროვნებაა და რეალისტურად აფასებს შექმნილ მდგომარეობას. მისი გაბრაზების მიზეზი იყო ის, რაც ყველა სხვა თათბირში მონაწილე პირისა. ის შედეგები რა შედეგებიც გუშინ დადასტურდა და რა შედეგების შერბილებაც შესაძლებელი იყო. პასუხისმგებლობა იმიტომ არის პერსონიფიცირებული, რომ უნდა მიუთითო ვინ მიგაჩნია დამდგარ შედეგებში მთავარ გმირად. აქედან გამომდინარე არ შეიძლება საგარეო საქმეთა მინისტრს მოსთხოვო პასუხი ეკონომიკურ მდგომარეობაზე,“-განაცხადა ზაქარია ქუცნაშვილმა.

banner
წინა სტატიაშისაგამოძიებო მოქმედებები ყიფშიძის ქუჩაზე – სამართალდამცველები “Audi”-ის მარკის ავტომობილს ჩხრეკდნენ
შემდეგი სტატიამარნეულის ინციდენტთან დაკავშირებით აზრზე არ ვარ, რა მოხდა და როგორ მოხდა, დაზარალებულს არ ვიცნობ