ბათუმში 63-ე საარჩევნო უბანზე რამდენიმე ამომრჩეველმა ხმის მიცემა ვერ შეძლო, ვინაიდან, მათ ხელზე შესაბამისმა აპარატმა მარკირების კვალი დააფიქსირა.
მოქალაქეებმა უბანზე დაუშვებლობა გააპროტესტეს და აღნიშნეს, რომ მარკირების მსგავსი კვალი მანდარინის გაფცქვნისა და მისი მირთმევის შემდეგ დარჩათ.
ბათუმის 63-ე საარჩევნო უბანზე უკვე გავლილი მარკირების კვალი ცხრა ამომრჩეველს აღმოაჩნდა.
მანდარინის გაფცქვნის შემდეგ კვალის შესაძლო დარჩენა არც კომისიის წევრებმა გამორიცხეს, თუმცა, აღნიშნულ ცხრა მოქალაქეს კენჭისყრაში მონაწილეობის უფლება მაინც არ მიეცათ.