ბათუმში 23 წლის ახალგაზრდა დენის დარტყმის შედეგად გარდაიცვალა, როდესაც ის ინტერნეტ პროვაიდერ “ანეტის” თანამშრომელი ამწეთი ელექტრო ბოძზე ინტერნეტის სადენს ამაგრებდა.
ადგილობრივების განმარტებით, სპეციალისტი ინტერნეტის შეფერხების გამო გამოიძახეს. მათივე ინფორმაციით, სარემონტო სამუშაოების დროს, როცა სახლიდან ელექტრო ბოძამდე სადენი გაყავდა, მამაკაცს დენმა დაარტყა. ახალგაზრდა მამაკაცი ადგილზე გარდაიცვალა. ცხედარი პროზექტურაშია გადასვენებული. შემთხვევის ადგილზე კრიმინალისტები მუშაობენ.
