ბაქოს სასამართლომ აფგან მუხთარლი პატიმრობაში დატოვა

ბაქოს სასამართლომ აფგან მუხთარლის ადვოკატთა შუამდგომლობა არ დააკმაყოფილა. დაცვის მხარე ჟურნალისტისთვის აღკვეთის ღონისძიების შინა პატიმრობით შეცვლას ითხოვდა, თუმცა მოსამართლემ ეს შუამდგომლობა არ დააკმაყოფილა.

მუხთარლის ადვოკატის განცხადებით, სასამართლომ ჩათვალა, რომ საპატიმროდან გათავისუფლების შემთხვევაში, ჟურნალისტმა შესაძლოა გამოძიების მსვლელობაზე გავლენა მოახდინოს, რაც არალოგიკურია, რადგან წინასწარი გამოძიება უკვე დასრულებულია.

აფგან მუხთარლი, რომელიც აზერბაიჯანის ხელისუფლებას აკრიტიკებდა, თბილისიდან 29 მაისს გაიტაცეს. მეორე დღეს ის უკვე ბაქოში იმყოფებოდა. ჟურნალისტს კონტრაბანდაში, საზღვრის დარღვევასა და მესაზღვრეებისთვის წინააღმდეგობის გაწევაში ადანაშაულებენ, თუმცა, თავად მუხთარლი ყველა ბრალდებას უარყოფს.

banner
წინა სტატიაშითავდაცვის სამინისტროს ამ დროისთვის წლიური საბიუჯეტო სახსრების 92%, შსს-ს 99%, სუს-ს კი 92% აქვს ათვისებული
შემდეგი სტატიაოზურგეთში მერობის კანდიდატის წარმომადგენლი გაუჩინარდა – მისი თანაგუნდელები ზეწოლაში ბეგლარ სიორიძეს ადანაშაულებენ