აზერბაიჯანის საგარეო საქმეთა სამინისტრომ რუსეთს საპროტესტო ნოტა გაუგზავნა 200 მილიონი დოლარის კრედიტის იარაღის შესასყიდად გამოყოფის გამო – ამის შესახებ აზერბაიჯანული მედია წერს.
სამინისტროს განცხადებით, სომხეთისთვის იარაღის გადაცემა მთიან ყარაბახში კონფლიქტს ვერ დაარეგულირებს. ოფიციალურმა ბაქომ მოსკოვისგან გარანტია მოითხოვა, რომ აღნიშნული იარაღი ყარაბახში და აზერბაიჯან-სომხეთის საზღვრებზე არ იქნება გამოყენებული.
შეგახსენებთ, რომ მოსკოვმა ერევანს 200 მილინიონი დოლარი, რუსული იარაღის საყიდლად გამოუყო. კრედიტი 10 წლის ვადით არის გაცემული და მისი გადახდა 2018 წელს უნდა დაიწყოს.
