ლეიბორისტული პარტიის ორგანიზებით, დღეს, მორიგი აქცია გაიმართა “რესპუბლიკა ბანკის” სათაო ოფისთან.
პარტიის პოლიტიკური მდივნის გიორგი გუგავას განცხადებით, ” რესპუბლიკა ბანკი” წარმოადგენს პაპაშვილის საკუთრებას, რომელიც თავის დროზე იყო ექს-პრეზიდენტ შევარდნაძის დაცვის უფროსი და მისივე დამხობაში მონაწილეობის გამო საჩუქრად მიიღო აღნიშნული ბანკი და ხალხის ურცხვად ძარცვის უფლება.
“ბანკირები ხელფასის, ბონუსებისა და პრემიების სახით იღებენ 2-დან 5 მილიონს. ამ თანხებს ითვისებენ ხალხის ქონების, სიცოცხლისა და ჯანმრთელობის ხარჯზე, რაც არა მხოლოდ განუსაზღვრელი სიხარბეა, არამედ წარმოადგენს ასი-ათასობით ჩვენი მოქალაქის წინააღმდეგ ჩადენილ დანაშაულს!”. – განაცხადა გიორგი გუგავამ.
ლეიბორისტული პარტია ხელისუფლებისგან კატეგორიულად მოთხოვს მკაცრი რეგულაციები დააწესდეს ბანკების მეპატრონეებზე და აღკვეთონ მოსახლეობის გაუბედურება.
ხვალ, 13.00.სთ-ზე აქცია გაიმართება “ბანკი ქართუს” ცენტრალურ ოფისთან მაფიოზა ბანკირ ივანიშვილის წინააღმდეგ.
