ერაყის დედაქალაქში ხალხი თავს დაესხა პრემიერ-მინისტრის კორტეჟს და ქვები დაუშინა – ჰეიდარ ალ-აბადმა სასწრაფოდ დატოვა ტერაქტის ადგილი, რომლის მოსანახულებლად იყო მისული.
ქსელში ინციდენტის შესახებ ვიდეო-ჩანაწერი გამოჩნდა, სადაც ჩანს, რომ ხალხი არა მხოლოდ ნებისმიერ ხელში მოხვედრილ ნივთს ესვრის პრემიერს, არამედ, აგინებს – “ასოსეიტედ პრესი” წერს.
როგორც გამოცემა ავრცელებს, ხალხი ქვეყნის მეთაურს “ქურდს” ეძახდა.
შეგახსენებთ, რომ მინიმუმ 131 ადამიანი დაიღუპა და 200-მდე დაშავდა ბაღდადის ტერაქტებში. ბევრი მათგანი მძიმე მდგომარეობაშია – “ალ-ჯაზირა” ავრცელებს. სხვა მონაცემებით, გარდაცვლილთა რიცხვმა 165-ს გადააჭარბა.
ტელეარხის ცნობით, დაღუპულთა შორის ბევრი ბავშვია. წუხელ, გვიან ერაყის დედაქალაქში ორი აფეთქება მოხდა.
ტერაქტზე პასუხისმგებლობა “ისლამურმა სახელმწიფომ” აიღო.