აზერბაიჯანული მედიის ცნობით, დიდი მოლოდინის შემდეგ ქვეყნის კინოთეატრებში 6 ოქტომბრიდან გამოვა მხატრული ფილმი ,,ალი და ნინო,, რომელიც აზერბაიჯანელი მწერლის, მაგომედ ასადბეკის ამავე სახელწოდების რომანის მიხედვით შეიქმნა.
ფილმში აღწერილია აზერბაიჯანელი ალისა და ქართველი ნინოს სიყვარულის ისტორია, რომელიც გასული საუკუნის დასაწყისში, კავკასიაში მნიშვნელოვანი ისტორიული პერიპეტიების ფონზე ვითარდება.
ფილმის პროდიუსერი გახლავთ ილჰამ ალიევის ქალიშვილი ლეილა ალიევა, სცენარისტი კრისტოფერ ჰემპტონი, რეჟისორი აზიფ კაპადია. ფილმში მონაწილეობენ: ადამ ბაკრი, მარია ვალვერდე, ჰალიტ ერგინჯი, მენდი პეტინკინი, კონი ნილსონი, რიკარდო სკამარჩიო, ჰუმაიონ ერშარდი და სხვები. ფილმის აზერბაიჯანული პრემიერა ბაქოში – აზერბაიჯანულ ენაზე შედგება.
აღსანიშნავია, რომ ფილმის პირველი ჩვენება აშში შედგა 2016 წლის თებერვლის თვეში.