ავტოსაგზაო შემთხვევა თორნიკე ერისთავის ქუჩაზე – ავტომობილი, რომელმაც სავარაუდოდ საჭე ვერ დაიმორჩილა, ხეს შეეჯახა. შემთხვევის შედეგად დაშავდა 6 და გარდაიცვალა 1 ახალგაზრდა.
როგორც “რუსთავი 2-ს” თვითმხილველებმა განუცხადეს, მანქანაში მჯდომი ერთ-ერთი გოგონა შეჯახებისას ავტომობილიდან გადმოვარდა.
სასწრაფო სამედიცინო დახმარების სამსახურში აცხადებენ, რომ დაშავებულებიდან 4 გადაყვანილია ღუდუშაურის სახელობის საავადმყოფოში, 1 ყოფილ მე-8-ში. 1 კი – თბილისი ცენტრალში. მათ სხვადასხვა სახის დაზიანება აღენიშნებათ.
მომხდარ ფაქტზე გამოძიება საქართველოს სისხლის სამართლის კოდექსის 276-ე მუხლის მეხუთე ნაწილით დაიწყო, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც გამოიწვია ადამიანის სიცოცხლის მოსპობა.