კიევში საპროტესტო მსვლელობა – ავტომაიდანი დაიწყო. მიხეილ სააკაშვილის მხარდამჭერები საკუთარი ავტომობილებით პუშკინის სკვერში შეიკრიბნენ, საიდანაც კოლონა უკრაინის გენერალური პროკურორის, იური ლუცენკოს სახლისკენ დაიძრა.
უკრაინის გენერალური პროკურორი კიევთან ახლოს, ე.წ. ელიტურ დასახლებაში ცხოვრობს, სადაც აქციის მონაწილეები სპეციალურად მომზადებული ე.წ. კორუფციის დროშით მიდიან, რომ უკრაინის მოსახლეობამ ნახოს, სად ცხოვრობს, მათი შეფასებით, კორუფციის მფარველი.
საქართველოს მესამე პრეზიდენტი წუხელ დააკავეს. მიხეილ სააკაშვილმა შიმშილობა გამოაცხადა.
