ამერიკის კალიფორნიის შტატში სამ პატიმარს ეძებენ, რომლებმაც განსაკუთრებულად მკაცრი რეჟიმის ციხიდან მოახერხეს გაქცევა.
სანტა-ანაში მდებარე ციხიდან გაქცეულები ბრალდებული არიან განსაკუთრებით მძიმე დანაშაულებში, მათ შორის მკვლელობა და წამება.
ჯერჯერობით უცნობია, როგორ შეძლეს მათ კამერის რკინის გისოსებიდან გამოსვლა და საკომუნიკაციო გვირაბში შესვლა, რომლის შემდეგადაც ისინი ხუთსართულიანი შენობის სიმაღლიდან ჩამოვიდნენ.
როგორც ადგილობრივი პოლიციის წარმომადგენელმა განაცხადა, ციხიდან პირველი გაქცევა 20 წლის წინ მოხდა.