აშშ-მ, დიდმა ბრიტანეთმა და საფრანგეთმა სირიაში ავიადარტყმები განახორციელეს

timer.ge თაიმერი
: timer.ge თაიმერი აპრილი 14, 2018 08:10

აშშ-მ, დიდმა ბრიტანეთმა და საფრანგეთმა სირიაში ავიადარტყმები განახორციელეს

მნიშვნელოვანი

  • აშშ-მ, დიდმა ბრიტანეთმა და საფრანგეთმა სირიაში ავიადარტყმები განახორციელეს

სხვა სტატიები

აშშ-ის, დიდი ბრიტანეთისა და საფრანგეთის სამხედრო ძალებმა სირიაში სამიზნეებზე ავიადარტყმები განახორციელეს, – ამის შესახებ აშშ-ის შეიარაღებული ძალების გაერთიანებული შტაბების უფროსმა, გენერალმა ჯოზეფ დანფორდმა პენტაგონში გამართულ ბრიფინგზე განაცხადა.

დანფორდის განცხადებით, ერთ-ერთი სამიზნე კვლევითი ცენტრი იყო, სადაც ქიმიურ იარაღზე მუშაობა მიმდინარეობდა, ხოლო მეორე – ქიმიური იარაღის საცავი. მისი განმარტებით, დარტყმების მიზანი იყო, მომავალში აღარ მოხდეს ქიმიური იარაღის გამოყენება.

ამასთან, აშშ-ის თავდაცვის მდივანმა ჯეიმს მეტისმა განაცხადა, რომ ამ ეტაპზე აშშ სირიის ტერიტორიაზე დარტყმების განხორციელებას აღარ გეგმავს.

აშშ-ის პრეზიდენტმა დონალდ ტრამპმა დღეს განაცხადა, რომ ქალაქ დუმაში ქიმიური იარაღით სავარაუდო თავდასხმის საპასუხოდ, სირიაზე სარაკეტო დარტყმების განხორციელების ბრძანება გასცა.

„აშშ-ის შეიარაღებულ ძალებს მივეცი ბრძანება, წერტილოვანი დარტყმები განახორციელონ სამიზნეებზე, რომლებიც დაკავშირებულნი არიან სირიის დიქტატორ ბაშარ ასადის ქიმიურ იარაღთან“, – განაცხადა ტრამპმა.

სირიის ხელისუფლების წინააღმდეგ ოპერაციაში დიდი ბრიტანეთი და საფრანგეთიც ჩაერთნენ.

აშშ-ის პრეზიდენტ დონალდ ტრამპის განცხადების შემდეგ, სირიის დედაქალაქ დამასკოში აფეთქებები მოხდა.

timer.ge თაიმერი
: timer.ge თაიმერი აპრილი 14, 2018 08:10

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


6,595
ვიზიტორი
დღეში
Powered By Google Analytics