გავრცელებული ინფორმაციით, ახალი მოწვევის პარლამენტში დიასპორისა და კავკასიის საკითხთა კომიტეტს ზვიად კვაჭანტირაძე უხელმძღვანელებს.
ზვიად კვაჭანტირაძე საპარლამენტო უმრავლესობის ამჟამინდელი ლიდერია.
თავად კვაჭანტირაძე ამ ინფორმაციის დადასტურებისგან თავს იკავებს და აცხადებს, რომ საკმაოდ საინტერესო და საკვანძო კომიტეტის თავმჯდომარეობის შეთავაზება მიიღო. გუნდის ლიდერისგან.
„გუნდის მხარდაჭერის შემთხვევაში შემოთავაზებას აუცილებლად დავთანხმდები“, – განაცხადა კვაჭანტირაძემ.
ამასთან ცნობილი გახდა, რომ პარლამენტის დარგობრივი ეკონომიკისა და ეკონომიკური პოლიტიკის კომიტეტს “ქართული ოცნების“ ვანისა და ხონის მაჟორიტარი დეპუტატი გრიგოლ ლილუაშვილი უხელმძღვანელებს.
