დარწმუნებული ვართ, საქართველოს მთავრობა მამუკა ბახტაძის მეთაურობით წარმატებით უზრუნველყოფს ქვეყნის წინსვლას და განვითარებას, – ამის შესახებ საპარლამენტო უმრავლესობის გაფართოებული შეხვედრის შემდეგ, უმრავლესობის ლიდერმა არჩილ თალაკვაძემ განაცხადა. მისი თქმით, საქართველოს კონსტიტუციის თანახმად, საპარლამენტო უმრავლესობამ მიიღო გადაწყვეტილება საქართველოს პრემიერ-მინისტრობის კანდიდატად მამუკა ბახტაძის წარდგენის შესახებ.
„გუნდმა ერთსულოვნად დაუჭირა მხარი პრემიერ-მინისტრის კანდიდატურას. დარწმუნებული ვართ, საქართველოს მთავრობა მამუკა ბახტაძის მეთაურობით წარმატებით უზრუნველყოფს ქვეყნის წინსვლას და განვითარება. მინდა მივულოცო მას და წარმატებები ვუსურვო“, – განაცხადა თალაკვაძემ.
შეგახსენებთ, უმრავლესობამ მამუკა ბახტაძე პრემიერ-მინისტრობის კანდიდატად წარადგინა.
