ამერიკის შეერთებულ შტატებში საქართველოს ელჩმა არჩილ გეგეშიძემ შესაძლოა, თანამდებობა დატოვოს. ინფორმაცია ამის შესახებ არაოფიციალურად ვრცელდება.არსებული ინფორმაციით, საქართველოს საგარეო უწყების ხელმძღვანელს ელჩის გადაყენების შესახებ გადაწყვეტილება ჯერ არ მიუღია, თუმცა არ არის გამორიცხული, გეგშიძემ წასვლის განცხადება თავად დაწეროს.
არჩილ გეგეშიძემ რამდენიმე ხნის წინ გააკეთა განცხადება, რომ პრორუსული პოლიტიკოსების არსებობა მმართველ გუნდში ქვეყანაში არსებულ პლურალისტურ გარემოზე მიუთითებს.საქართველოს პრეზიდენტმა გიორგი მარგველაშვილმა აშშ-ში საქართველოს ელჩის ამ განცხადებას არაკომპეტენტური უწოდა.
“ეს იყო არაკვალიფიციური ელჩის არაკომპეტენტური განცხადება და არაკომპეტენტურობა არჩილ გეგეშიძემ არაერთხელ გამოავლინა”, – აღნიშნა პრეზიდენტის პრესსპიკერმა ეკა მიშველაძემ 5 ივლისს გამართულ ბრიფინგზე.