ოკუპირებული აფხაზეთის ე. წ. დელეგაცია ნაურუში ჩავიდა – ნაურუს დამოუკიდებლობის გამოცხადების 50-ე წლისთავისადმი მიძღვნილ ღონისძიებებში მონაწილეობს.
“შევხვდებით ნაურუს პრეზიდენტ ბარონ ვაქას”, – აცხადებს ე. წ. საგარეო საქმეთა მინისტრი დაურ კოვე.
კოვეს გარდა ე. წ. დელეგაციის შემადგენლობაში არიან: ე. წ. პარლამენტის ვიცე სპიკერი საიდ ხარაზია და ე. წ. საერთაშორისო ორგანიზაციებთან ურთიერთობის დეპარტამენტის ხელმძღვანელი არტურ გაგულია.
ნაურუში იმყოფება ოკუპირებული სამხრეთ ოსეთის ე. წ. საგარეო საქმეთა მინისტრი დიმიტრი მედოევი.