დღეს, გალის რაიონის სოფელ ჩხორთოლში, უცნობმა პირებმა აფხაზეთის დე-ფაქტო საპარლამენტო არჩევნების კანდიდატის კახა პერტაიას მანქანა დაცხრილეს – ამის შესახებ რაიონის ადმინისტრაციის ხელმძღვანელი თემურ ნადარაია ავრცელებს. კახა პერტაიამ საპასუხო სროლა გახსნა. გავრცელებული ინფორმაციით, არავინ დაშავებულა. რაიონის სამართალდამცველები დამნაშავეს ეძებენ.
შეგახსენებთ, რომ თვითგამოცხადებული აფხაზეთის რესპუბლიკის საპარლამენტო არჩევნები 12 მარტს გაიმართა. 22 უბანზე არჩევნების მეორე ტურია დანიშნული.