აფხაზეთის თვითგამოცხადებულ რესპუბლიკაში დღეს, 12 მარტს საპარლამენტო არჩევნები უკვე დასრულდა. ადგილობრივი მედიის თქმით, ოჩამჩირეს რაიონში არჩევნებში მონაწილეობა ამომრჩეველთა 35%-მა მიიღო, გალში – 58%-მა, გუდაუთის რაიონში 12 საათისთვის ამომრჩეველთა აქტიურობა 25% იყო, ტყვარჩელის რაიონში – 35%-ი, გულრიფშში 25,6%-ი (12 საათვისთვის), გაგრის რაიონში 22,8%-ი (12 საათისთვის).
სულ თვითგამოცხადებულ რესპუბლიკაში დღეს დილიდან 35 საარჩევნო ოლქი გაიხსნა.
დე-ფაქტო მთავრობის განცხდებით, საპარლამენტო არჩევნებმა აფხაზეთში ექსესების გარეშე ჩაიარა. არჩევნებს რუსეთის ფედერაციიდან დამკვირვებლები ესწრებოდნენ, ასევე, ე.წ. სამხრეთ ოსეთის, თვითგამოცხადებული დონეცკის, ლუგანსკისა და არცახის რესპუბლიკის წარმომადგენლები.