დღეს პრაღაში გამართულ საერთაშორისო ტურისტულ ბაზრობაზე Holiday World აფხაზეთი, როგორც დამოუკიდებელი რესპუბლიკა მონაწილეობს. გამოფენას რეგიონალური განვითარების სააგენტო აწყობს.
“აფხაზეთის სავაჭრო-სამრეწველო პალატა დაგვიკავშირდა, ისინი დაინტერესებული იყვნენ Holiday World-ით, რომ მონაწილეობა მიიღონ, ახალი კონტაქტები დაამყარონ და ჩეხეთის რესპუბლიკასთან საქმიანი ურთიერთობები დაიწყონ. იმის გამო, რომ აფხაზეთის სავაჭრო პალატას 16 წლიანი გამოცდილება აქვს, ჩვენ დავთანხმდით მათ მონაწილეობაზე ” – Holiday World-ის მარკეტინგის მენეჯერმა ინჩება დალიელა ვოსეტკოვამ ჩეხურ გამოცემა aktualne.cz-თან განაცხადა – ინფორმაციას ამის შესეხაბ abkhazeti.info ავრცელებს.
“რეგიონალური განვითარების სამინისტრომ შესაძლებელია წინასწარ არ იცოდეს ყველა მონაწილის შესახებ, ორგანიზატორები მუდმივ რეჟიმში აწარმოებენ მოლაპარაკებებს სხვადასხვა პარტნიორებთან. ორგანიზატორები და სამინისტრო მხარეებთან კონსულტაციებს არ აწარმოებს” – სამინისტროს წარმომადგენელმა ვილემ ფრჩეკმა განაცხადა.
ჩეხური aktualne.cz აღნიშნავს, რომ აფხაზეთი საქართველოს სეპარატისტული ნაწილია, რომლის დამოუკიდებლობა აღიარებული აქვს მხოლოდ რუსეთს, ვენესუელას, ნიკარაგუასა და ნაურუს.