აფხაზეთის დე-ფაქტო უმაღლესი სასამართლოს მოსამართლის თემურ შონიას ავტომანქანას რამდენიმე საათის წინ ცეცხლი გაუჩნდა. მანქანა სასამართლოს შენობასთან იდგა, მოსამართლე კი სამსახურში იმყოფებოდა. გამოძახებულმა სახანძრო სამსახურის ძალებმა ცეცხლი ჩააქრეს. გაირკვა, რომ ავტომანქანას ცეცხლი წინა მარჯვენა საბურავიდან გაუჩნდა. ჯერჯერობით, აღნიშნულთან დაკავშირებით სხვა დეტალები არ ვრცელდება. მიმდინარეობს გამოძიება. აღსანიშნავია, რომ რამდენიმე ხნის წინ ცეცხლი გაუჩნდა დეპუტატობის კანდიდატის ბათალ აიბას ავტომანქანას. სამართალდამცავები არკვევენ არის თუ არა ერთმანეთთან დაკავშირებული ეს ორი შემთხვევა.