ანკარის მერმა მელიხ გეკჩეკმა ამერიკის ელჩს ჯონ ბასს აშშ-ში დაბრუნება ურჩია მის მიერ თურქ მეცნიერებზე ნათქვამი სიტყვების გამო – ამის შესახებ თურქული მედია წერს.
“თქვენ თურქეთის მტრად წარმოჩენას ლამობთ. გთხოვთ, არ არის საჭირო თურქეთსა და აშშ-ს შორის ურთიერთობის გაფუჭება. ბატონო ელჩო, აშშ-მ არასწორი არჩევანი გააკეთა თქვენი ელჩად დამნიშვნით. აქ სხვა დიპლომატიური წარმომადგენელი უნდა მოვიდეს თქვენს მაგივრად, რომელსაც თქვენზე მეტი ეცოდინება” – დაწერა გეკცეკმა ტვიტერის საკუთარ გვერდზე.
15 იანვარს თურქეთის პოლიციამ 14 მეცნიერი დააკავა, რომლებმაც მტავრობას მოწოდება გაუგზავნეს, რომ ქვეყნის სამხრეთ-დასავლეთ ნაწილში ქურთების პრობლემა მშვიდობიანად უნდა გადაწყდეს. პროკურატურამ მათ “თურქი ხალხის სახალხო დამცირებაში” დასდო ბრალი.
აშშ-ს ელჩმა ჯონ ბასმა თავის მიკრობლოგში შეშფოთება გამოთქვა მომხდარის გამო. მისი აზრით, საკუთარი აზრის გამოთქმა არ შეიძლება ტერორიზმის მხარდაჭერად გამოცხადდეს, რადგან ხელისუფლების კრიტიკა სახელმწიფოს ღალატს არ ნიშნავს.