“ეროვნული ფორუმის” წევრმა, ანი მიროტაძემ პარტიის მაჟორიტარობის კანდიდატების ნაწილის ვინაობა დაასახელა.
როგორც ანი მიროტაძემ აღნიშნა, ბევრი კანდიდატი სიურპრიზად რჩება.
“რევაზ შავიშვილი საბურთალოზე იქნება წარდგენილი, ვაკის ერთ-ერთ უბანში “ეროვნული ფორუმი” გია ხეჩინაშვილს წარადგენს, თელავში იქნება გელა გელაშვილი, რომელიც ძალიან კარგი ახალგაზრდაა, მას განათლება აშშ-ში აქვს მიღებული და დარწმუნებული ვარ, ძალიან წარმატებული იქნება. ფოთში კანდიდატად გვეყოლება ახალგაზრდა – ოთარ ხარჩილავა. რაც შეეხება გორს, ერთ-ერთ რაიონში წარდგენილი იქნება სოსო ვახტანგაშვილი, გორში იქნება წარდგენილი გურამ მჭედლიძეც“, – განაცხადა მიროტაძემ.
მისივე ინფორმაციით, ყველა კანდიდატს “ეროვნული ფორუმი” უახლოეს დღეებში წარადგენს.