შინაგან საქმეთა სამინისტრო “ნაციონალური მოძრაობის” ერთ-ერთი ლიდერის გივი თარგამაძის განცხადებას, რომლის მიხედვითაც პოლიციის მთავარი სამმართველოს უფროსად გოჩა კასრაძე დაინიშნა სიცრუეს უწოდებს.
უწყების ინფორმაციით, სამმართველოს უფროსის თანამდებობას გიორგი ალადაშვილი იკავებს. მათივე განმარტებით, კასრაძე შსს-ში მუშაობს, თუმცა არა მთავარ სამმართველოს უფროსად. მათი თქმით ეს უკანასკნელი სამმართველოს უფროსის მოადგილეა.
ენმ – ს წევრმა ინფორმაცია გაავრცელა, რომ პოლიციის მთავარი სამმართველოს უფროსად კრიმინალური პოლიციის უფროსის პაპიაშვილის შუამდგომლობით გოჩა კასრაძე დაინიშნა.