ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ ეკა ბესელიამ ფოთის მოსახლეობას საქმიანობის სამი წლის ანგარიში წარუდგინა. როგორც ,,თაიმერს” სამეგრელოს გუბერნიის პრესსამსახურიდან აცნობეს შეხვედრა
ფოთის ვალერიან გუნიას სახელობის სახელმწიფო დრამატულ თეატრში შედგა.
შეხვედრას პარლამენტის წევრები, სამეგრელო-ზემო სვანეთის მხარეში სახელმწიფო რწმუნებული ლევან შონია, ფოთის მერი ირაკლი კაკულია, საკრებულოს თავმჯდომარე ალექსანდრე თოფურია და მოწვეული სტუმრები ესწრებოდნენ.
ეკა ბესელიამ მადლიერების სიგელებითა და სიმბოლური საჩუქრებით დააჯილდოვა ის ადამიანები, ვინც ბიუროსა თუ კომიტეტის ნაყოფიერად მუშაობაში განსაკუთრებული წვლილი შეიტანა. ფოთის მაჟორიტარმა დეპუტატმა მადლიერების სიგელი სამეგრელო-ზემო სვანეთის გუბერნატორს ლევან შონიას პირადად გადასცა.
შეხვედრას ,,ქართული ოცნებიდან” გია ვოლსკი და ზვიად კვაჭანტირაძეც ესწრებოდნენ.