კლდიაშვილის ქუჩაზე გაჩენილი ხანძრის შედეგად 2 500 კვადრატული მეტრის საცხოვრებელი ფართი დაიწვა. ხანძრის კერა სამსართულიანი სახლის სახურავზე გაჩნდა. დაზარალებულია 70-მდე ოჯახი, ჯანმრთელობის მსუბუქი დაზიანება კი 3-მა მეხანძრემ მიიღო. ხანძარს, რომელიც რამდენიმე საათის წინ გაჩნდა, 20 ერთეული სამაშველო ბრიგადა აქრობდა.
გამოძიება სისხლის სამართლის კოდექსის 188-ე მუხლით მიმდინარეობს, რაც დაუდევრობით სხვისი ნივთის დაზიანებას გულისხმობს.
