ნეტგაზეთის ინფორმაციით, შინაგან საქმეთა მინისტრის მოადგილეები დავით ხუციშვილი და თეიმურაზ მღებრიშვილი სავარაუდოდ თანამდებობიდან დაითხოვეს.
თეიმურაზ მღებრიშვილი შინაგან საქმეთა მინისტრის მოადგილედ 2014 წლის 11 დეკემბერს დაინიშნა. მანამდე იგი სახელმწიფო დაცვის სპეციალური სამსახურის უფროსის პოზიციას იკავებდა.
დავით ხუციშვილი კი შინაგან საქმეთა მინისტრის მოადგილე 2013 წლის ნოემბრიდან არის. იგი 2012–დან 2013 წლის ნოემბრამდე შინაგან საქმეთა სამინისტროს საფინანსო-სამეურნეო დეპარტამენტის დირექტორი იყო.
ნეტგაზეთმა მინისტრების გადაყენებასთან დაკავშირებით ინფორმაციის გადამოწმება შინაგან საქმეთა სამინისტროშიც სცადა, სადაც ამ დრომდე კომენტარი არ გაუკეთებიათ.
