“დღევანდელი გადაწყვეტილებით იუსტიციის უმაღლესმა საბჭომ და რაც ყველაზე მთავარია, კოალიცია ქართული ოცნების მიერ არჩეულმა არამოსამართლების წევრების უმეტესობამ (4-დან სამმა) დაადასტურეს, რომ ის რაც ხდებოდა გასული წლების განმავლობაში სასამართლოს სიტემაში არ იყო პრობლემა. და მეტიც, ასეთი რამ სისტემაში უნდა გაგრძელდეს. მადლობთ ბატონებო და ქალბატონებო ასეთი მკაფიო და პირდაპირი პოზიციისთვის. ახლა ხომ ნამდვილად ვიცით ვის რა სურვილი აქვს და რა პოზიცია გააჩნია”-ასე ეხმაურება ლევან მურუსიძის არჩევას არასამთავრობო ორგანიზაცია „საერთაშორისო გამჭვირვალობა – საქართველოს“ აღმასრულებელი დირექტორი ეკა გიგაური
შეგახსენებთ, რომ 25 დეკემბერს, იუსტიციის უმაღლეს საბჭოში მოსამართლეობის კანდიდატთა კენჭისყრა გაიმართა. კენჭისყრის შედეგად ლევან მურუსიძის კანიდატურას 10 ხმით დაუჭირეს მხარი და აირჩიეს სააპელაციო სასამართლოს მოსამართლედ.
ლევან მურუსიძეს, როგორც საქართველოს უზენაესი სასამართლოს სისხლის სამართლის საქმეთა პალატის წევრს, 2007 წელს მონაწილეობა აქვს მიღებული გადაწყვეტილებაში, რის შედეგადაც სანდრო გირგვლიანის მკვლელობაში ბრალდებულებს სასჯელები შეუმცირდათ. თავად მურუსიძე აცხადებს, რომ მოქმედი კანონმდებლობის ჩარჩოებში სასამართლოს სხვა გადაწყვეტილების მიღება არ შეეძლო. უზენაესი სასამართლოს მოსამართლეობის 10-წლიანი ვადა მას 2016 წლის აპრილში ეწურება.
მოქმედი კანონმდებლობა მურუსიძეს შანსს აძლევს, რომ სააპლეციო სასამართლოს მოსამართლედ ხელთავიდან დანიშვნის შემდეგ უვადოდ გამწესდეს მოსამართლედ.