თბილისში, ვაჟა-ფშაველას გამზირზე, 5-სართულიანი საცხოვრებელი კორპუსის სახურავიდან გადმოხტომას ახალგაზრდა გოგონა ცდილობდა. გოგონა, სავარაუდოდ, არასრულწლოვანია. მას ამის საშუალება მაშველებმა და სამართალდამცველებმა არ მისცეს.
ადგილზე მობილიზებული იყო საგანგებო სიტუაციების მართვის სამსახურის, სასწრაფო-სამედიცინო დახმარებისა და საპატრულო პოლიციის წარმომადგენლები.
ახალგაზრდა ამ დროისთვის უსაფრთხო ადგილზეა გადაყვანილი.
