უზნაძის ქუჩაზე დატბორილი სარდაფიდან მოქალაქის ევაკუაცია წარმატებით განხორციელდა–ამის შესახებ “თაიმერს”საგანგებო სიტუაციების მართვის სამსახურში განუცხადეს.
ძლიერი წვიმის გამო თბილისში მოძრაობა პარალიზებულია. საცხოვრებელი სახლები და სარდაფები კი წყლით გაივსო.ცოტა ხნის წინ ყველაზე მძიმე მდგომარეობა უზნაძის ქუჩაზე იყო, სადაც ერთ-ერთი საცხოვრებელი სახლის სარდაფი წყლით გაივსო. სარდაფში ერთი მოქალაქე იმყოფებოდა, რომლის ამოყვანა მაშვლებმა რამდენიმე წუთის წინ მოახერხეს.