საქართველოს პრეზიდენტი გიორგი მარგველაშვილი 26 მაისს, საქართველოს დამოუკიდებლობის დღისადმი მიძღვნილ ღონისძიებებში მიიღებს მონაწილეობას.
13:00 საათზე, თავისუფლების მოედანზე, ქვეყნის უმაღლესი მთავარსარდალი წვევამდელთა ფიცს ჩაიბარებს და სამხედრო მოსამსახურეებს სიტყვით მიმართავს.
16:00 საათზე კი, პრეზიდენტი ქუთაისში, მესამე ბრიგადაში, სამხედრო მოსამსახურეებს და მათი ოჯახის წევრებს საქართველოს დამოუკიდებლობის დღეს მიულოცავს და სამხედრო ტექნიკას დაათვალიერებს.