ამერიკის შეერთებული შტატების სახელმწიფო მდივანი ჯონ კერი 15 დეკემბერს მოსკოვში ჩავა. ინფორმაციას BBC აშშ-ის საგარეო უწყებაზე დაყრდნობით ავრცელებს.
სახელმწიფო დეპარტამენტის წარმომადგენელის მარკ ტონერის ინფორმაციით, კერი რუსეთის პრეზიდენტს და საგარეო საქმეთა მინისტრს შეხვდება.
შეხვედრებზე საუბარი შეეხება უკრაინაში კონფლიქტის დარეგულირების საკითხს და სირიაში არსებულ ვითარებას.