„გაერთიანებული დემოკრატიული მოძრაობის“ ლიდერის განცხადებით, ქვეყნის ყოფილი პრემიერის, ზურაბ ჟვანიას გარდაცვალების საქმესთან დაკავშირებით რაც ხდება, ამ ხელისუფლების უსუსურობის ბრალია.
ამის შესახებ ნინო ბურჯანაძემ გაზეთ „ასავალ-დასავალთან“ საუბრისას განაცხადა.
„არაერთგზის მოგვისმენია განცხადებები ამ ხელისუფლებისგან, რომ ჟვანიას საქმე გახსნილია და აი, ახლა საზოგადოება ყველაფერს გაიგებსო! თუ ეს საქმე გახსნილია, მაშინ რა ხდება, რატომ არის ამდენი ლაპარაკი? ამ ხელისუფლებას, თუ რამის თავი და უნარი აქვს, ჟვანიას საქმე დროულად უნდა დაასრულოს და საზოგადოებას ერთხელ და სამუდამოდ გასცეს პასუხი! რაც ახლა ხდება, ეს ამაზრზენია და ნამდვილად არანაირ ჩარჩოებში აღარ ჯდება!“- განაცხადა ბურჯანაძემ.