ხანძრის შედეგად დაშავებული 11 ადამიანი მკურნალობის კურსს თბილისის სხვადასხვა კლინიკაში გადის.
ქირურგიის ეროვნულ ცენტრში სავაჭრო ცენტრ „გორგიადან“ 6 მამაკაცია გადაყვანილი. ყველა მათგანი „გორგიას“ თანამშრომელია. მათგან 4-ს მდგომარეობა შედარებით სტაბილურია, 2-ის მდგომარეობა კი – შედარებით მძიმე. ისინი ინტენსიური მკურნალობის პალატაში დაკვირვების ქვეშ იმყოფებიან.
მათ აღენიშნებათ სასუნთქი გზების დამწვრობები და შენასუნთქი აირების ტოქსიკური ეფექტები.
