საქართველოს ჭაბუკ ძიუდოისტთა ნაკრები ევროპის გუნდური ჩემპიონატის გამარჯვებული გახდა. ქართველმა ძიუდოისტებმა ფინალში ჰოლანდიის ნაკრები დაამარცხეს. მანამდე კი იტალიის, გერმანიის და უკრაინის ნაკრებებს მოუგეს. ამ ასაკში ევროპის გუნდური ჩემპიონატი პირველად ჩატარდა და შესაბამისად, საქართველო ისტორიული ჩემპიონატის პირველი გამარჯვებული გახდა.
ინდივიდუალურ შეჯიბრში საქართველოს ნაკრებმა 2 ოქროს, 3 ვერცხლის და 5 ბრინჯაოს მედალი მოიპოვა. ევროპის ჩემპიონები გახდნენ მზია ბებოშვილი და ლაშა დუდაშვილი. ამ ნაკრების წევრები ივლისის ბოლოს თბილისში ევროპის ახალგაზრდულ ოლიმპიურ ფესტივალზე იასპარეზებენ.
