სამეგრელოში თხილის სეზონი პიკშია – მოსავალიც და თხილის ჩაბარების ფასიც ოპტიმალურია და, შესაბაისად, მოსახლეობაც, რომლის ერთადერთი შემოსავალიც სწორედ თხილია, წლევანდელი მოსავალით კმაყოფილია.
ამ ფონზე, წალენჯიხელი თხილის ჩამბარებლები უკმაყოფილონი არიან. მათი თქმით, დღეში სხვადასხვა ქარხნის წარმომადგენლები მიდიან და აშანტაჟებენ,აიძულებენ რომ თხილი მაინცდამაინც კონკრეტულ ქარხანას მიაწოდონ, თან – შეღავათიანი ფასად.
ამის შესახებ „თაიმერს“ წალენჯიხის წმინდა ნინოს ქუჩისა და თხილის სხვა ჩამბარებელი პუნქტების წარმომადგენლებმა აცნობეს. მათივე თქმით, ე.წ. გამომძალველებმა ფოტოებიც გადაიღეს და დაემუქრნენ, საგადასახადოში გიჩვლებთო, თუ თხილს ჩვენს შემოთავაზებულ ქარხანაში არ ჩააბარებთო.