შინაგან საქმეთა სამინისტრო არ ადასტურებს, რომ 3 თებერვალს, სასამართლოდან გაპარული პატიმარი, დიმა ხაჩიაშვილი პოლიციას თავად ჩაბარდა.
როგორც “თაიმერს” შსს-ში განუცხადეს, ტყუილია პატიმრის მეუღლის განცხადება, რომ გურჯაანის სასამართლოდან გაქცეული პატიმარი პოლიციას არ დაუჭერია და თავად ჩაბარდა სამართალდამცველებს.
როგორც ხაჩიაშვილის მეუღლემ თინათინ აბაშიძემ ჟურნალისტებს განუცხადა, გუშინ დილით, მისი თანდასწრებით დიმა ხაჩიაშვილმა თავად დაურეკა მეორე განყოფილების უფროსს.
მისივე თქმით, ზარიდან რამდენიმე წუთში სამართალდამცველებმა ხაჩიაშვილი წაიყვანეს.
პოლიციას გურჯაანის სასამართლოდან 3 თებერვალს პატიმარი გაეპარა. ხაჩიაშვილი სასამართლოდან მას შემდეგ გაიპარა, რაც აღკვეთის ღონისძიებად პატიმრობა შეუფარდეს.
ხაჩიაშვილი სოფელ ველისციხიდან არის. მას ბრალი ადამიანის ცივი იარაღით დაჭრაში ედება.