ქრთამის აღების ბრალდებით ოზურგეთის საკრებულოს დეპუტატი და გამგებლის წარმომადგენელი დააკავეს

საქართველოს ფინანსთა სამინისტოს საგამოძიებო სამსახურმა დანაშაულებრივი ჯგუფის 5 წევრი დააკავა

შსს-ს ანტიკორუფციული სააგენტოს თანამშრომლებმა ჩატარებული საგამოძიებო და ოპერატიული ღონისძიებების შედეგად, ქრთამის აღების ბრალდებით ოზურგეთის მუნიციპალიტეტის საკრებულოს დეპუტატი დაბა ნასაკირალიდან შოთა ართმელაძე და ოზურგეთის მუნიციპალიტეტის გამგებლის წარმომადგენელი დაბა ნასაკირალის ადმინისტრაციულ ერთეულში – ტარიელ ანთაძე დააკავეს.
როგორც “თაიმერს” შინაგან საქმეთა სამინისტროდან აცნობეს, გამოძიებამ დაადგინა, რომ აღნიშნულმა პირებმა დაბა ნასაკირალის ტერიტორიაზე მდებარე უმოქმედო სკოლის შენობის სათანადო ნებართვისა და პროცედურების გავლის გარეშე ერთწლიან სარგებლობაში გადაცემის სანაცვლოდ, თურქეთის და საქართველოს მოქალაქეებს ქრთამის სახით 2000 აშშ დოლარი და 1000 ლარი გამოართვეს.
სამართალდამცველებმა შოთა ართმელაძე და ტარიელ ანთაძე ქრთამის აღების ფაქტზე ქობულეთში დააკავეს.
გამოძიება ქრთამის აღების ფაქტზე მიმდინარეობს (საქართველოს სისხლის სამართლის კოდექსის 338-ე მუხლის მეორე ნაწილის “გ” ქ/პუნქტით, რაც 7-დან 11 წლამდე თავისუფლების აღკვეთას ითვალისწინებს). გამოძიებას შინაგან საქმეთა სამინისტროს ანტიკორუფციული სააგენტო აწარმოებს.

banner
წინა სტატიაშიოდესას მიხეილ სააკაშვილმა ოჯახი უჩვენა+(ვიდეო)
შემდეგი სტატიაპოლიციამ ბათუმში დაკარგული 12 წლის გოგონები იპოვნა