“ამბასადორიალის” ფარგლებში დღევანდელ სხდომაზე ერთ-ერთი მომხსენებელი საქართველოს სახალხო დამცველი იქნება. როგორც მან ჟურნალისტებს განუმარტა, იგი საქართველოში ადამიანის უფლებების მდგომარეობაზე ისაუბრებს.
„ყურადღებას გავამახვილებ დამოუკიდებელი საგამოძიებო მექანიზმის შექმნის აუცილებლობაზე, ისევე როგორც მართლმსაჯულებაში მიმდინარე პროცესებზე. ცალკე საკითხია დისკრიმინაციის წინააღმდეგ ბრძოლა და ქვეყანაში არსებული გამოწვევები, შრომის ინსპექციასთან არსებულ პრობლემები, ვისაურებ საჯარო სექტორში მომხდარ გათავისუფლებაზე, რომელიც გასულ წელს გახდა განსაკუთრებით აქტუალური და ეს პრობლემა საზოგადოების წინაშე კვლავ დგას,” – განაცხადა უჩა ნანუაშვილმა და დასძინა, რომ კონფლიქტურ და ოკუპირებულ ტერიტორიებზე ადამიანის უფლებების დარღვევის ფაქტებზეც გაამახვილებს ყურადღებას.
