კოალიცია ქართული ოცნების გაფართოებულ სხდომაზე უმრავლესობის ლიდერად ზვიად კვაჭანტირაძე წარადგინეს.
კვაჭანტირაძე უმრავლესობის ლიდერის პოსტს უმრავლესობის შეხვედრის შემდეგ დაიკავებს.
როგორც ქართული ოცნების ლიდერებმა გაანცხადეს, კვაჭანტირაძესთან ერთად რამდენიმე სხვა კანდიდატურაც განიხილებოდა, მათ შორის იყვნენ გია ვოლსკი და ივანე კიღურაძე. თუმცა ხმათა უმრავლესობა ზვიად კვაჭანტირაძემ მოიპოვა.
მმართველი გუნდის გაფართოებულ სხდომას პრემიერი და ვიცეპრემიერიც ესწრებოდნენ. თუმცა მათ შეხვედრა კომენტარის გარეშე დატოვეს.