უკრაინა იძულებულია რუსეთთან ფართომასშტაბიანი ომისთვის მოემზადოს, რისთვისაც გვესაჭიროება ლეტალური იარაღის მიღება, კერძოდ, კანადისგან. “ლიგა.ნეტ”-ის ინფორმაციით, ამის შესახებ უკრაინის საგარეო საქმეთა მინისტრის მოადგილემ, ვადიმ პრისტაიკომ კანადურ რადიოსადგურ “СВС”-თან ინტერვიუში განაცხადა.
“ფსონები ძალიან მაღალია. არ გვინდა ვინმეს შეშინება, მაგრამ ფართომასშტაბიანი ომისთვის ვემზადებით და ველოდებით, რომ მსოფლიო ცოტა დაიძაბება. ყველას ეშინია ბირთვულ სახელმწიფოსთან ომის, მაგრამ ჩვენ უკვე აღარ გვეშიანია – უკრაინამ უკვე დაკარგა უამრავი ადამიანი და ტერიტორია. როგორ საშიშადაც არ უნდა ჟრერდეს, რაიმე სახით უნდა შევაჩეროთ პუტინი და არა მხოლოდ უკრაინისა და ევროპის, არამედ რუსი ხალხის გადასარჩენადაც”, – აღნიშნა საგარეო საქმეთა მინისტრის მოადგილემ.
მისივე თქმით, უკრაინა ისურვებდა კანადისგან როგორც ფინანსური, ისე ლეტალური იარაღის სახით დახმარების მიღებას, რომელიც შესაძლებლობას მისცემდა უკრაინის არმიას დაიცვას ადამიანები.