უკრაინის პრემიერმა, არსენ იაცენიუკმა განაცხადა, რომ მისი ქვეყანა რუსეთს ყირიმის და დონბასის გამო არა უმცირეს 3 ტრილიონ გრივენს (46 მილიონი დოლარი) მოსთხოვს. ამასთანავე, მან დააზუსტა, რომ თანხა საბოლოო არ არის. “რადგანაც რუსეთის აგრესია რა მთავრდება, დანაკარგის საბოლოო რაოდენობა ჯერჯერობით არ ვიცით და ევროსასამართლოზე დაზუსტდება” – განაცხადა იაცენიუკმა.
უკრაინის პრემიერმა აღნიშნა, რომ კიევი მოსკოვთან იურიდიულ ომს იწყებს და განხილული იქნება ასევე უკრაინის 3 მილიარდი ვალის რესტრუქტურიზაციაზე უარის მიღებაც. მან რუსეთს მოუწოდა, ვალის რესტრუქტურიზაციის შესახებ 29 ოქტომბრამდე გასცეს დამაკმაყოფილებელი პასუხი.
რუსეთის პრეზიდენტის პრეს-მდივანმა დმიტრი პესკოვმა აღნიშნულთან დაკავშირებით გაანცხადა, რომ რუსეთის ფედერაციას აღნიშნულ კრედიტთან დაკავშირებით პოზიცია არ შეუცვლია. მან ასევე გაკვირვება გამოთქვა კომპანსაციის საკითხთან დაკავშირებით: “ყირიმი რუსეთის ტერიტორიაა. დონბასი – უკრაინის. რა შუაშია აქ ტრილიონები?” – თქვა მან.
