სერჟანტ ოფიცრები სუიციდის ფაქტების პრევენციისთვის საჭირო უნარ-ჩვევებს გამოიმუშავებენ. სპეციალური პროგრამა თავდაცვის სამინისტრომ დაიწყო, რომლის დეტალებიც უწყების წარმომადგენლებმა არასამთავრობო სექტორს და ფსიქოლოგებს გააცნეს.
პროგრამის “მხარი მხარს” მიხედვით, სერჟანტებისთვის სპეციალური კურსიც ჩატარდება, რისი მიზანიც თვითმკვლელობის დროული პრევენცია და სწორი კომუნიკაციაა.
არ არის გამორიცხული, რომ პროგრამაში ცვლილებები კონსულტაციისა და რჩევების შემდეგ განხორციელდეს.
სამხედროებს ასევე შესაძლებლობა ექნებათ ცხელი ხაზით ისარგებლონ.