ლაგოდეხში ხანგრძლივი გადაუღებელი წვიმის შედეგად ვენახები და საძოვრები დაიტბორა. ადიდებული ალაზანი ნაკვეთებში შევარდა. სტიქიამ ყველაზე მეტად სოფელი აფენი დააზარალა. ვენახების გარდა, იქ ნახევარმეტრიანი წყლითაა დატბორილი სიმინდის ყანები, საზამთროსა და ნესვის ბაღებიც.
სოფელ აფენში დატბორილია რამდენიმე ათეული ჰექტარი ვენახი. განადგურდა საზამთროს ბაღები. მოვარდნილი წყლის გამო, გურჯაანი–ლაგოდეხის ცენტრალურ მაგისტრალზე, რამდენიმე საათის განმავლობაში შეფერხებული იყო სატრანსპორტო მიმოსვლაც.
ადგილზე ტექნიკის მობილიზება და შესაბამისი სამუშაოების დაწყება ჯერჯერობით ვერ ხერხდება.
ადგილობრივები ხელისუფლებისგან ჯებირების გამაგრებასა და სანიაღვრე სისტემის მოწერიგებას ითხოვენ.