ბზის უკანონო მოპოვების ფაქტები გამოავლინეს ვანის რაიონში.
გარემოსდაცვითი ზედამხედველობის დეპარტამენტის ინფორმაციით, ორივე შემთხვევაში სამართალდამრღვევებმა სოფელ ზედა ბზვანის ტერიტორიაზე ბზის ტოტები უკანონოდ მოიპოვეს, რომელთა საერთო რაოდენობამ ჯამში 640 ტოტი შეადგინა.
გარემოსთვის მიყენებული ზიანი ერთ შემთხვევაში 500 ლარამდეა, მეორე შემთხვევაში კი 2000 ლარს აჭარბებს.
ფაქტი შეიცავს სისხლის სამართლის დანაშაულის ნიშნებს. მასალები შემდგომი რეაგირებისთვის გადაიგზავნება საოლქო პროკურატურაში.
