გუშინ სირიის ქალაქ ჰასეკეში, ასადის მომხრე სირიის შეიარაღებეული ძალების ვერტმფრენმა, პირუტყვის ბაზარში ბარელური ბომბი ჩამოაგდო. აფეთქებას 65 ადამიანის სიცოცხლე შეეწირა და ათეულობით ადამიანი მძიმედაა დაჭრილი. ბარელური ბომბის აფეთქების შედეგად დაღუპულთა გვამები იმდენად დასახიჩრებულია, რომ მათი ამოცნობა ახლობლებს უჭირთ. ბარელური ბომბი, რომელიც ასადის რეჟიმმა არაერთხელ გამოიყენა საკუთარი ხალხის წინააღმდეგ, წარმოადგენს დიდ რკინის კონტეინერში მოთავსებულ ფუგასური და მსხვრევადი ასაფეთქებელი ნივთიერებების ნაზავს, რომელიც აფეთქების ადგილზე, ნამსხვრევების გასროლის გარდა ირგვლივ წვავს ყველაფერს, რაც მსხვერპლის ამოცნობას ართულებს. სირიის რევოლუციური ოპოზიციური ძალების მიერ, ეს თავდასხმა შეფასდა, როგორც საკუთარი ხალხის წინააღმდეგ მოწყობილი სასაკლაო.
