საქართველოს პარლამენტის მუდმივმოქმედი დელეგაცია ახალი შემადგენლობით, 25-30 იანვარს ევროპის საბჭოს საპარლამენტო ასამბლეის იანვრის სესიებზე დასასწრებად მიემგზავრება.
სასესიო კვირის განმავლობაში კომიტეტებისა და პოლიტიკური ჯგუფების სხდომები გაიმართება. სესიაზე განხილვის ერთ-ერთი მთავარი თემა რუსეთის დელეგაციის სანქციების საკითხი იქნება.
ევროპის საბჭოს საპარლამენტო ასამბლეაში საქართველოს პარლამენტის მუდმივმოქმედ დელეგაციის ახალ, ძირითად შემადგენლობაში შედიან: თედო ჯაფარიძე, თინათინ ხიდაშელი, ირაკლი ჩიქოვანი, ზვიად კვაჭანტირაძე და დავით ბაქრაძე.
ადგილმონაცვლე წევრები კი – ლევან ბერძენიშვილი, ეკა ბესელია, გუგული მაღრაძე, ჩიორა თაქთაქიშვილი და გიორგი კანდელაკი არიან.
